Sunday, January 23, 2011

၂၀၀၉-ခုနှစ်အတွက် အကောင်းဆုံး အမျိုးသားဇာတ်ဆောင်ဆု နေတိုး ရရှိ

0 Comment
မေဃ၀တီ
၂၀၀၉ ခုနှစ်အတွက် မြန်မာ့ရုပ်ရှင်ထူးချွန်ဆု(အကယ်ဒမီ) ချီးမြှင့်ပွဲအား နေပြည်တော် မြို့တော်ခန်းမရှိ လေဟာပြင် ကဇာတ်ရုံတွင် ပဉ္စမအကြိမ်မြောက်အဖြစ် ဇန်နဝါရီလ ၂၃ ရက်နေ့ (ယနေ့)၌ ပြုလုပ်ကျင်းပလျက်ရှိကာ မိုးညအိမ်မက်မြူ ရုပ်ရှင်ဇာတ်ကားကြီးတွင် အကောင်းဆုံး အမျိုးသား ဇာတ်ဆောင်ဆုကို နေတိုးက ရရှိသွားပြီး အမျိုးသမီးဇာတ်ပို့ဆုအဖြစ် စိုးပြည့်သဇင်က ရရှိသွားသည်။

အတိတ်ရဲ့အရိပ် ဇာတ်ကားတွင် အသံဆုကို ဆန်းဦးနှင့်အဖွဲ့၊ ဓါတ်ပုံဆုကို ကိုကိုဌေးနှင့်အဖွဲ့ကရရှိကာ ဇော်က ကနေသည် ဇာတ်ကားတွင် တေးဂီတဆုကို ဓီရာမိုရ်၊ ဒါရိုက်တာဆုကို မီးပွားတို့ကရရှိသွားပြီး ကျောက်စက်ရေ ဇာတ်ကားတွင် တည်းဖြတ်ဆုကို ဇော်မင်း(ဟံသာမြေ)ကရရှိကာ  အကောင်းဆုံးဇာတ်ကားဆုကို “ကြိုးကြာတောင်ပံခတ်သံ” ဇာတ်ကားက ရရှိပြီး ၎င်းကားတွင် ဇာတ်ညွန်းဆုကိုလည်း မြင့်ဦးဦးမြင့်က ရရှိသွားကြောင်း သိရသည်။ 

မိုးညအိမ်မက်မြူ ရုပ်ရှင်ဇာတ်ကားကြီးတွင် အကောင်းဆုံး အမျိုးသားဇာတ်ဆောင်ဆုကို ရရှိသွားတဲ့ မေဃ၀တီ (မာန်အောင်)ဇာတိဖြစ်တဲ့ ကိုနေတိုးကို ကျနော်တို့ မေဃ၀တီညီအကိုများက အထူးပင် ဂုဏ်ယူ ၀မ်းမြောက်မိပါကြောင်း ဖော်ပြအပ်ပါတယ်။